إستدرج الملاحق السياسى المخبر إلى مولد الحسين و أعلن على الملأ أن هناك مخبر يتبعه ثم كان هذا الحوار ..
"المخبر : يا معلم أنا غلبان ... أكل عيش
- : إبحث لك عن شغلة نظيفة ... أوسخها شغلة أشرف من شغلتك .. سرح نسوان .. بيع مخدرات .. لكن أذية الجدعان لأ ..
- : يا معلم .. دول كفرة .. دا رافضى و إبن رافضى
- : برضه بيقول لى ربنا .. إنت هاتستغفلنى ؟؟ هاتسرح بى ؟ طب و دينى و ما أعبد ما أنا سايبك إلا بضرب المركوب ... يا جدعان .. يا رجالة .. إقلع يا جدع انت و هو اللامؤاخذة . اللى يحب ربنا يضرب . اللى يحب النبى يضرب . اللى يحب الحسين يضرب .. كرامة لك يا سيدى يا حسين يا ميت مظلوم فى بلاد الغربة .. كرامة للحسين اضربوا .. اضربوا المفترى ابن المفترى بالمركوب يا سيد . ايدك لا .. ماتوسخهاش .. بالمركوب ....
....
......
- : مش مهم اضرب .. اللى يحب الحسين يضرب .. كرامة لك يا سيدى يا حسين يا ميت مظلوم فى بلاد الغربة .. اللى يحب الشعب يضرب .. اللى يحب مصر يضرب .
من قصة الغربة فى شارع كثيف الزحام 1970
من المجموعة القصصية بيان مشترك ضد الزمن
صلاح عيسى
دار سينا للنشر الطبعة الأولى 1992
ليست هناك تعليقات:
إرسال تعليق